Humanitar Kollecdə baş verən insidentlə bağlı AÇIQLAMA
"Noyabrın 2-də Humanitar Kollecin tələbələri arasında dərsdənkənar vaxtda insident baş verib".
Bu barədə "Azərbaycan müəllimi"nin sorğusuna cavab olaraq kollecdən məlumat verilib.
Bildirilib ki, hadisənin başvermə şəraiti və təfərrüatları ilə bağlı hazırda hüquq-mühafizə orqanları tərəfindən araşdırma aparılır:
"Xəsarət alan tələbəyə müvafiq tibbi yardım göstərilib, hazırda səhhətinin qənaətbəxş olduğu bildirilib. Hadisənin təfərrüatları ilə bağlı rəsmi araşdırmanın nəticələrini gözləməyi və təsdiqlənməmiş məlumatların yayılmasından çəkinməyi xahiş edirik", – deyə kollecin məlumatında qeyd olunur.
