Kürdəmirdə məktəbli digər şagirdə xəsarət yetirib
Bu gün Kürdəmir şəhər 6 nömrəli tam orta məktəbinin 10-cu sinif şagirdi həmin məktəbin 11-ci sinif şagirdinə xəsarət yetirib.
Məsələ ilə bağlı Mərkəzi Aran Regoinal Təhsil İdarəsinin “Azərbaycan müəllimi”nə bildirilib ki, xəsarət almış şagird tibb müəssisəsinə aparılıb.
Hadisə ilə bağlı hüquq-mühafizə orqanları tərəfindən araşdırma aparılır. Araşdırmanın nəticəsi barədə ictimaiyyətə məlumat veriləcək.
Şagirdlərin fiziki və psixoloji durumu məktəb rəhbərliyi və idarə tərəfindən diqqətdə saxlanılır.
