Marsda Günəş tutulması görüntülənib – FOTO
NASA-nın “Perseverance” Mars roveri Qırmızı planetdə baş verən Günəş tutulmasını görüntüləyib.
“Azərbaycan müəllimi” xəbər verir ki, rover 2026-cı il avqustun 13-də – Yer kürəsində tam Günəş tutulmasından bir gün sonra Marsın peyklərindən birinin Günəşin qarşısından keçdiyi anı qeydə alıb.
“Perseverance”in “Mastcam-Z” kamerası ilə çəkdiyi görüntüdə Marsın iki təbii peykindən biri olan Fobosun Günəşin bir hissəsini örtdüyü görünür. Fobos Marsın daha böyük peykidir.
Günəş tutulması yalnız Yerə xas hadisə deyil. Təbii peyki olan planetlərdə həmin peykin planetin səthindən baxan müşahidəçi üçün ulduzunun, yəni Günəşinin qarşısından keçməsi zamanı tutulma baş verə bilər.
Bu görüntünün əhəmiyyəti isə insanın hələ Marsın səthinə getməməsi ilə bağlıdır. “Perseverance” kimi robotik tədqiqat aparatları insanların hələ gedə bilmədiyi yerlərdən məlumat və görüntülər əldə etməyə imkan verir. Bu aparatların köməyi ilə Günəş sisteminin müxtəlif bölgələri, o cümlədən uzaq planetlər və onların peykləri haqqında məlumatlar toplanır.
