Böyük Britaniyanın "Times Higher Education" nəşri dünyanın ən nüfuzlu ali təhsil müəssisələrinin qlobal sıralamasını (2025 Times Higher Education World University Rankings) dərc edib. 

 “Azərbaycan müəllimi” reytinqin əsas nəticələrini təqdim edir: 

• Reytinqdə 115 ölkə və regiondan 2000-dən çox universitet yer alıb;
• Reytinqlər tədris, tədqiqat mühiti, tədqiqat keyfiyyəti, beynəlxalq dünyagörüşü və sənaye daxil olmaqla beş kateqoriya üzrə 18 performans göstəricisi əsasında tərtib edilib;
• 2025-ci il reytinqi dəyişən qlobal mənzərəni nümayiş etirir,  bir çox Avropa universiteti reytinqdə geriləyib, Asiya universitetləri isə  qlobal mövqelərini yaxşılaşdırmağa davam edir;
• Oksford 9-cu ildir ki, ardıcıl doqquzuncu ildir ki, dünyanın ən yüksək reytinqli universiteti kimi öz mövqeyini qoruyub saxlayır;
• ABŞ Böyük Britaniya  qlobal reytinqdə ən yüksək yerləri tutan ölkələrdir;
• Reytinqin ilk 10-luğu ABŞ və Böyük Britaniya universitetlərindən təşkil olunub;
• Massaçusets Texnologiya İnstitutu (MIT) 2-ci yerə yüksəlib. Daha sonra Harvard və Prinston universitetləri gəlir;
• Kembric Universiteti əvvəlki illə müqayisədə dəyişməyərək beşinci yerdə qalıb, Stenford Universiteti isə ikinci yerdən altıncı yerə düşüb;
• Ardıcıl ikinci ildir ki, Asiya THE reytinqində ən çox təmsil olunan qitə olub;
• Çin qlobal tədqiqat təsirini daha da artıraraq ilk 10-luğa yaxınlaşır;
• Bəzi Avropa universitetləri davamlı enişlə üzləşmiş, Asiyada, xüsusən də Çin, Yaponiya və Cənubi Koreya universitetləri tərəqqi əldə ediblər;
• Cədvəldə ən sürətlə irəliləyən universitetlər Asiyanın payına düşür;
• Fransa, Hollandiya və İsveçrə kimi ölkələrdən olan universitetlərin reytinqdə geriləməsi müşahidə edilir.  Məsələn, Hollandiyanın 12 reytinqli universitetindən səkkizi geriləyib, Delft Texnologiya Universiteti isə qlobal miqyasda 56-cı mövqeyə düşüb;
• Fransanın 50 universitetindən 19-u reytində geriləyib, 10-u isə ən pis nəticə göstərib;
• Münhen Texniki Universitetinin 26-cı yerə yüksəlməsi Almaniya universitetləri üçün reytinqdə ən yüksək mövqedir;
• Üç yeni ölkə - Braziliya, Səudiyyə Ərəbistanı və Birləşmiş Ərəb Əmirlikləri ali təhsildə inkişaf etməkdə olan bazarların yüksəlişini vurğulayaraq, ilk 200-lüyə qoşulur.

Qeyd edək ki, builki reytinqdə ilk dəfə Azərbaycan 2 ali təhsil müəssisəsi  - Bakı Dövlət Universiteti və Azərbaycan Dövlət Neft və Sənaye Universiteti ilə təmsil olunur.