Naxçıvanda ilk dəfə “GreenFest” keçirilib
Oktyabrın 26-da Naxçıvan şəhərindəki “Saat Meydanı” İstirahət Mərkəzində “GreenFest”in açılışı olub.
"Azərbaycan müəllimi" xəbər verir ki, əvvəlcə Ümummilli Lider Heydər Əliyevin və şəhidlərimizin əziz xatirəsi birdəqiqəlik sükutla yad edilib, Azərbaycan Respublikasının Dövlət Himni səsləndirilib.
Festivalın açılış tədbirində çıxış edən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsinin müavini Samir Seyidəhmədli Naxçıvanda “GreenFest”in COP29 və “Yaşıl dünya naminə həmrəylik ili” çərçivəsində keçirildiyini qeyd edib. COP29-un Azərbaycan üçün həm siyasi, həm də iqtisadi baxımdan əhəmiyyətinə toxunan Samir Seyidəhmədli bildirib ki, eyni zamanda bu tədbir Azərbaycanın iqlim dəyişikliyi ilə mübarizədə qlobal səylərə verdiyi dəstəyi bir daha göstərir və ölkəmizin ekoloji problemlərin həllinə sadiqliyini nümayiş etdirir. Bu mənada, Azərbaycanın işğaldan azad edilmiş ərazilərinin və Naxçıvan Muxtar Respublikasının yaşıl enerji zonası elan olunması, 2024-cü ilin “Yaşıl dünya naminə həmrəylik ili” elan edilməsi ölkəmizdə, bütövlükdə, iqlim dəyişikliyi sahəsində həyata keçirilən dövlət siyasətinin tərkib hissəsi kimi yüksək dəyərləndirilməlidir.
“GreenFest”in də vacib dövrdə keçirildiyini və özlüyündə mühüm əhəmiyyət kəsb etdiyini vurğulayan Samir Seyidəhmədli əminliklə ifadə edib ki, Prezident cənab İlham Əliyevin rəhbərliyi ilə BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 ölkəmizdə uğurla keçiriləcək, Azərbaycan bir daha dünyanı narahat edən məsələlərə münasibətdə öz sözünü və ədalətli mövqeyini ortaya qoyacaqdır.
Muxtar respublikada COP29 və “Yaşıl dünya naminə həmrəlik ilinə hazırlıq”la bağlı yaradılmış İşçi qrupunun rəhbəri, Naxçıvan Muxtar Respublikası ədliyyə nazirinin müavini, nazir vəzifələrini icra edən Hüseyn Səfərov Naxçıvanda bu istiqamətdə görülən tədbirləri diqqətə çatdırıb. Qeyd edib ki, 2024-cü il fevralın 23-də Naxçıvanda bununla bağlı müşavirə keçirilib, işçi qrupu yaradılıb və bu istiqamətdə muxtar respublikada görüləcək tədbirlər müəyyənləşdirilib.
Həmçinin “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın 2023-2024-cü illər üzrə Təfsilatlı Tədbirlər Planı”nda ətraf mühitin mühafizəsinin gücləndirilməsi əsas fəaliyyət istiqaməti kimi müəyyən edilib. Sözügedən Tədbirlər Planında maarifləndirmə, yaşıllaşdırma və bioloji müxtəliflik sahəsində, ətraf mühitin sağlamlaşdırılması, tullantıların idarə edilməsi sahəsində tədbirlərin keçiriləcəyi nəzərdə tutulub. Artıq həmin tədbirlərin böyük hissəsi başa çatmaq üzrədir. “GreenFest” də bu işlərin davamı kimi mühüm əhəmiyyət daşıyır.
“GreenFest” çərçivəsində keçirilən ekoloji startap layihələrinin qalibləri mükafatlandırılıb, sərgi ilə tanışlıq olub.
1 /11
Digər xəbərlər
Naxçıvan Dövlət Universitetinə xaricdən 16 nəfər professor-müəllim dəvət edilib
Velosipedin pedallarından enerji istehsal edilir - Gəncə müəllimləri və tələbələrinin birgə layihəsi
%20%C3%90%C2%9A%C3%90%C2%BE%C3%90%C2%BF%C3%90%C2%B8%C3%91%C2%8F%20Sayt.-Fon%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20(4)%20copy.jpg)
Dərnəklərin istedadlı məktəbliləri
Şagirdlərimi real dünya problemləri ilə üzləşdirirəm - Abşeronun gənc informatika müəlllimi
Qaranlıq dünyalarına işıq gətirən məktəb – REPORTAJ
.jpeg)
Şagirdlərimə ekoloji maarifləndirməni praktik yollarla öyrədirəm – Ucarın ibtidai sinif müəllimi
Mehdiabad məktəbi "Yaşıl dəyişikliklər" fotomüsabiqəsində birinci yeri tutub
.jpg)
Azərbaycanın dünyada tanınan "kalkulyator şagird"i
Naxçıvanda “Sağlam həyat, sağlam gələcək” mövzusunda tədbir keçirilib
.jpeg)
ABŞ universitetinin məzunu rayon məktəbində ingilis dilini tədris edir
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)