ABŞ fevralın 26-da “Athena” adlı yeni Aya eniş aparatını işə salmağı planlaşdırır.
“Azərbaycan müəllimi” xəbər verir ki, NASA-nın məlumatına görə, cihaz “Intuitive Machines” tərəfindən hazırlanıb.
Bu modul NASA-nın elmi-tədqiqatlarının aparılması, Ayın səthinin araşdırılması və gələcəkdə insanların Aya enişinə imkan verəcək müxtəlif texnologiyaların sınaqdan keçirilməsi üçün nəzərdə tutulub.
Kosmik gəminin faydalı yükü qazma və kütlə spektrometrindən ibarət olacaq. Bu alət Ayda uçucu maddələrin və ya qazların mövcudluğunu ölçməyə kömək edəcək.
“TRIDENT” qazma qurğusu Ayın səthinin bir metrə qədər dərinliyə nüfuz edə bilən unikal cihazdır. O, Yerdən idarə olunacaq.
“MSOLO” kütlə spektrometri qazılmış nümunələrdən buraxılan qazları təhlil edəcək mühüm alətdir. “MSOLO”nun əsas məqsədi Ayın səthinin altında gizlənmiş su buzu və digər qazların mümkün mövcudluğunu axtarmaqdır.
“Athena” Aya eniş aparatının “SpaceX Falcon 9” raketi ilə buraxılması planlaşdırılır. Buraxılışın Florida ştatında yerləşən Kanaveral burnu kosmodromundan həyata keçirilməsi nəzərdə tutulur.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər