Bütün xəbərlər
17 mart, 10:30

Azərbaycanlı istedadlı aşpaz Leyla Vəliyeva “WorldSkills Champions Trust”ın Yaxın Şərq və Şimali Afrika (MENA) üzrə yeni nümayəndəsi təyin edilib. 

“WorldSkills International” kulinariya üzrə yarışan ilk azərbaycanlı qadın aşpaz Leyla Vəliyeva haqqında məqalə dərc edib. “Azərbaycan müəllimi” həmin məqaləni təqdim edir:

Ölkəsini “WorldSkills” müsabiqəsində kulinariya üzrə təmsil edən ilk aşpaz Leyla o vaxtdan etibarən gələcək iştirakçılara mentorluq edir və öz ticarətini tanıdır.

Moldovada doğulub boya-başa çatan Leylanın yemək bişirmək sevgisi gənc yaşlarından başlayıb. O, mətbəxdə saatlarla vaxt keçirdiyini, anasının yemək bişirməsinə baxdığını və nəhayət, təkbaşına təcrübələr etdiyini xatırlayır. O, yeniyetmə ikən müstəqil olaraq yeməklər hazırlayır və yaradıcılığını dostları ilə bölüşürdü. Yetkinlik yaşına yaxınlaşdıqca kulinariya sahəsində karyera qurmaq təbii seçim kimi meydana çıxdı.

Ailəsi ilə birlikdə Azərbaycana qayıdan Leyla Bakıda yeni açılan “CÀSÀ” Kulinariya İncəsənət Mərkəzinə qəbul oldu. Proqramı bitirən ilk tələbələrdən biri olmaqla yanaşı, Böyük Britaniyada yerləşən ixtisas təşkilatı olan “City & Guilds”dən kulinariya sənəti üzrə sertifikatlar qazanıb. Məzun olduqdan sonra ona səfir-aşpaz kimi iş təklif edildi. O bu zaman mühazirələr oxuyur, ictimaiyyət qarşısında çıxış edirdi. 

Leyla “WorldSkills” haqqında ilk dəfə kulinariya təhsili aldığı illərdə tələbələri seçim prosesinə qoşulmağa dəvət edən broşürü görəndə öyrənib. Müəllimlərinin təşviqi ilə seçim prosesində iştirak edib və nəticədə, “WorldSkills Competition 2022 Special Edition”da Azərbaycanı təmsil etmək üçün seçildi. Təhsil aldığı məktəbi “Cooking for WorldSkills Azerbaijan”ın rəsmi partnyoru olduğu üçün o, “WorldSkills” hərəkatı ilə yaxından əlaqə saxlamış, təlim proqramlarında köməklik göstərmiş, yeni namizədlərə mentorluq etmiş və seçim proseslərinin təşkilinə kömək etmişdir.

Leyla Azərbaycanın Milli Kulinariya Komandasının tərkibində müxtəlif beynəlxalq tədbirlərində fəal iştirak edərək ölkəsini çoxsaylı müsabiqələrdə təmsil edib. Bu təcrübələr vasitəsilə Leyla öz sahəsində peşəkarlardan ibarət beynəlxalq şəbəkə qurub. "“WorldSkills” mənim gözlərimi açdı, çünki mənimlə eyni iş həvəsini paylaşan həmfikirlər ilə görüşmək və şəbəkə qurmaq mənim ilk təcrübəm idi", – deyə o bildirir.

Leyla bir çox qadınların kulinariya peşəsinə girərkən üzləşdiyi ictimai çətinliklər haqqında da danışıb. Azərbaycanda çox vaxt aşpazlıq karyerasından daha çox həkim və ya hüquqşünas kimi peşələri üstün tuturlar. Bundan əlavə, uzun saatlarla davam edən, bəzən gecə növbələri olan bu peşə xüsusilə mühafizəkar ailələrdən olan qadınlar üçün maneələr yarada bilir. 

Bu çətinliklərə baxmayaraq, Leyla öz missiyasını əzmlə davam etdirir: “Aşpaz olmaq və kulinariya sənətini öyrənmək mənim arzum idi”, – deyən Leyla sosial şəbəkələrdə vaxtaşırı ondan ilham alan digər gənc qızlardan mesajlar aldığını əlavə edir. “Belə mesajları oxuyanda doğru yolda olduğumu hiss edirəm və bilirəm ki, gördüyüm iş təkcə özüm üçün deyil, həm də məni əhatə edən gənc nəsil üçün vacibdir. Bu tədbirlərdə onların səsi olmaq bir imtiyazdır”, – o qeyd edir.

Leyla bu sahədə qadınları müdafiə etməklə yanaşı, davamlı yemək bişirməyə də həvəslidir. O, sağlam və ekoloji cəhətdən təmiz qida seçimlərinin önəmini vurğulayır və bitki mənşəli qidalar üzrə ixtisaslaşıb. "Ət Azərbaycan mətbəxinin böyük bir hissəsidir, lakin mən göstərmək istəyirəm ki, bitki mənşəli yeməklər də bir o qədər dadlı və doyumlu ola bilər", –  deyə o bildirir.

O öz işi ilə həm Azərbaycanda, həm də ölkədən kənarda kulinariya mədəniyyətinin dəyişməsinə töhfə verməyi ümid edir.

Özünün unikal keçmişi, beynəlxalq təcrübəsi və kulinariya sənətinə sarsılmaz bağlılığı ilə Leyla “WorldSkills Champions Trust” platformasından regiondakı gənc və bacarıqlı insanlara dəstək olmaq üçün istifadə etməyi arzulayır.

Şərhlər

Xəbər lenti

24 aprel, 20:56

Azərbaycanlı tələbənin çəkdiyi rəsm 15 min dollara satıldı

24 aprel, 20:20

Çin astronomları qalaktikada qeyri-adi obyekt aşkar ediblər

24 aprel, 19:00

Süni intellekt aritmiya riskini əvvəlcədən müəyyən edə biləcək

24 aprel, 18:17

Ədliyyə Akademiyasında Elm və Təhsil Nazirliyinin əməkdaşları üçün təlim keçirilib

24 aprel, 18:02

“Qrafik dizayner” ixtisası üzrə qısamüddətli təlimlər davam edir

24 aprel, 17:16

NDU-da II Respublika elmi konfransı keçirilib

24 aprel, 17:10

“Qədim yurd yerlərimiz, söykökümüz - Aşıq Ələsgər” adlı tədbir keçirilib

24 aprel, 17:06

Yağmurlu hava şəraiti ilə bağlı xəbərdarlıq edilib

24 aprel, 17:05

Region məktəblərində iqlim dəyişikliyi ilə bağlı təlimlər keçirilib

24 aprel, 17:01

İş yerini dəyişdirmək istəyən müəllimlərin NƏZƏRİNƏ!

24 aprel, 16:55

Dövlət Proqramı iştirakçısı beynəlxalq tədbirdə çıxış edib

24 aprel, 16:55

BDU-da Dayanıqlı İnkişaf Məqsədlərinin tədris və tədqiqata inteqrasiyasına dair təlim keçirilib

24 aprel, 16:37

Azərbaycanda PISA qiymətləndirməsi tam elektronlaşdırılacaq

24 aprel, 16:32

Leyla Əliyeva Çin Milli İnsan Genomu Mərkəzində olub

24 aprel, 16:14

697 məktəbdə summativ qiymətləndirmə elektron formada keçirilib

24 aprel, 15:41

“Qərbi Azərbaycan toponimləri: milli kimliyin izləri” mövzusunda görüş keçirilib

24 aprel, 15:26

Fərqli dillərdə təhsil alan şagirdlər mayın 4-də imtahan verəcəklər

24 aprel, 15:23

Elektron jurnaldan istifadə edən məktəblərin sayı açıqlanıb

24 aprel, 15:17

Rektor elmi-tədqiqat təcrübəsi keçən qazaxıstanlı tələbələrlə görüşüb

24 aprel, 15:14

ADPU-da “Peşəkar təcrübə proqramı”nın bağlanış mərasimi keçirilib

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.