“İllər əvvəl qanunlar hazırlanarkən “sağlamlıq imkanları məhdud” kimi terminlər işlədilsə də, hazırda inklüziv təhsil və sosial müdafiə sahəsində bu anlayışların yenilənməsinə ehtiyac var”.
“Azərbaycan müəllimi” xəbər verir ki, Milli Məclisin Elm və təhsil komitəsinin bu gün keçirilən iclasında deputat Ceyhun Məmmədovun sözlərinə görə, bəzi qanunlarda istifadə olunan köhnəlmiş ifadələr müasir yanaşmalara uyğun deyil və dəyişdirilməlidir.
Ceyhun Məmmədov qeyd edib ki, dünyada da, Azərbaycanda da bu kateqoriyaya aid uşaqlar və şəxslər üçün istifadə edilən terminologiya dəyişir: “Bir çox ölkələrdə köhnə terminlərin əvəzinə daha inklüziv və həssas ifadələr qəbul olunur. Bizim qanunlarımızda da bu istiqamətdə addımlar atılmalıdır”.
Deputatın sözlərinə görə, bəzi qanunlarda artıq bu dəyişikliyin tətbiqinə başlanılıb, lakin mövcud terminlərin tam şəkildə yenilənməsi üçün daha genişmiqyaslı iş aparılmalıdır:
“Gələcəkdə bütün müvafiq qanunlarda bu məsələ öz əksini tapmalı, müasir yanaşmanı əks etdirən, daha həssas ifadələr qəbul edilməlidir. Bu həm sosial ədalətin, həm də inklüzivliyin gücləndirilməsi baxımından vacibdir”.
O əlavə edib ki, xüsusilə bölgələrdə inklüziv təhsil imkanlarının artırılması, statistik məlumatların toplanması və yeni tələblərə uyğun qanunvericilik təşəbbüslərinin davam etdirilməsi zəruridir.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər