Təhsildə inkişaf və innovasiyalar üzrə VIII qrant müsabiqəsi çərçivəsində həyata keçirilən “İnteraktiv simulyasiyalar biologiyanın tədrisində müasir yanaşma” layihəsi uğurla başa çatıb.
“Azərbaycan müəllimi” xəbər verir ki, bağlanış mərasimində Ucar rayon Təhsil Sektorunun nümayəndələri, məktəb rəhbərliyi, müəllimlər və şagirdlər iştirak ediblər. Layihə rəhbəri Rəna Allahverdiyeva layihə çərçivəsində görülən işlər, əldə olunan nəticələr və gələcək perspektivlər barədə geniş məlumat verib.
İki ay müddətində həyata keçirilən layihə çərçivəsində 8-10-cu siniflərdən olan 40 şagird üçün 18 saatlıq dərs proqramı icra olunub.
“Biologiya Akademiyası” adı altında təşkil edilən bu tədris prosesi “Phet” interaktiv simulyasiya platformaları vasitəsilə şagirdlərə daha əyani, praktik və maraqlı təhsil imkanları yaratdı. Biologiya fənninin interaktiv formada tədrisi şagirdlərin öyrənmə həvəsini artırdı və onları daha aktiv öyrənmə prosesinə cəlb edib.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər