"Distant təhsil alan tələbələrin diplomlarının tanınmamasının ilk səbəbi ondan ibarətdir ki, “Təhsil haqqında” Qanunda bu, təsbit olunsa da, onun tanınması üzrə mexanizm hələ formalaşmayıb".
"Azərbaycan müəllimi" xəbər verir ki, bu barədə Təhsildə Keyfiyyət Təminatı Agentliyinin İdarə Heyətinin sədri Tural Əhmədov Təhsil TV-də yayımlanan "Təhsildəyik" verilişində söyləyib.
Sədr bildirib ki, ölkəmizdə yalnız əyani və qiyabi təhsilalma forması üzrə kvalifikasiyanın tanınması həyata keçirilir: "Son dövrlərdə vətəndaşlarımız bəzi ölkələrdə “açıq öyrətim” adı altında, yəni məsafədən (distant) təhsilalma formasına uyğun kvalifikasiyanı təqdim edirlər ki, bu da birmənalı şəkildə imtina ilə nəticələnir.
Texnoloji inkişaf kontekstində, təbii ki, müxtəlif ali təhsil müəssisələrinin məsafədən təhsili həyata keçirdiyini görürük və sözsüz ki, yeniliklər kontekstində bunu təqdir edirik. Amma görünür, ənənəvi təhsilə münasibətdə xaricdə əldə olunan kvalifikasiyaların keyfiyyəti hələ qənaətbəxş səviyyədə olmadığına görə, yəqin ki, diplomların tanınması da bu baxımdan dəyərləndirilir".
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər