“Gələcək 10 ildə süni intellekt bəzi Nobel mükafatlarının alınmasında müəyyən rol oynayacaq, hətta süni intellekt o nəticələrin müəllifi olacaq”.
“Azərbaycan müəllimi” xəbər verir ki, bunu Elm və Təhsil Nazirliyinin İdarəetmə Sistemləri İstitutunun baş direktoru, akademik Əli Abbasov Azərbaycan Milli Elmlər Akademiyasının Ümumi yığıncağında deyib.
O bildirib ki, elmi nəticələrin sənaye ilə əlaqələndirilməsi sahəsində süni intellektin tətbiqi yeni bir istiqamətdir: “Süni intellekt Azərbaycanda da inkişaf edir. Rəqəmsal resurslar 50-60% çoxalıb, süni intellektin buna da çox təsiri olacaq. Biz ondan istifadə edərək kibertəhlükəsizliyə qarşı mübarizə aparmaq istəyirik”.
O vurğulayıb ki, 2023-cü ildə dünyada informasiya texnologiyası sənayesindən əldə olunan gəlirin məbləği 5.2 trilyon dollar olub: “Amma kibertəhlükəsizliyin vurduğu ziyan isə 8-10 trilyon dollar arasında olub. Burada iqtisadi ziyanları da görürük”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər