“Peşə təhsili Qarabağda məskunlaşan insanların sürətlə iş tapmasına, iqtisadi müstəqillik qazanmasına və ölkədaxili miqrasiyanın azalmasına imkan yaradacaq”.
“Azərbaycan müəllimi” xəbər verir ki, bu sözləri millət vəkili Fariz İsmayılzadə Milli Məclisdə çıxışı zamanı deyib.
O bildirib ki, bu sahəyə qoyulan investisiyalar regionların inkişafına və işsizlik səviyyəsinin azalmasına birbaşa xidmət edir. Peşə təhsilinin əlçatan olması və dövlət büdcəsi vəsaiti hesabına ödənişsiz təqdim edilməsi uzun illər məcburi köçkün həyatı yaşamış, iş imkanları məhdud olmuş insanların Qarabağda məşğulluğuna və yeni iqtisadi şəraitə uyğunlaşmasına mühüm töhfə verir:
“Bundan əvvəl də peşə təhsilindən yararlanan insanlar kiçik və orta sahibkarlıq fəaliyyəti quraraq iqtisadiyyata töhfə veriblər. Peşə təhsili eyni zamanda iqtisadi inkişafı sürətləndirərək innovasiya və texnologiyaya əsaslanan biliklərin mənimsənilməsinə şərait yaradacaq. Bu, kənd təsərrüfatı və inşaat sahələrində müasir texnologiyaların tətbiqini daha da sürətləndirəcək”.
O əlavə edib ki, peşə təhsili yaşıl iqtisadiyyatın tələblərinə uyğun kadrların hazırlanması, alternativ enerji, ağıllı şəhər layihələri və ekoloji təmiz istehsalat sahələrinin inkişafına töhfə verəcək.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər