Bakı Dövlət Universitetinin (BDU) nəzdində “Gənc istedadlar” liseyində “Narkomaniyaya yox deyək!” mövzusunda tədbir keçirilib.
BDU-dan “Azərbaycan müəllimi”nə bildirilib ki, liseyin direktoru Fuad Babayev “ağ ölüm” adlandırılan narkomaniyanın bu günün gəncliyi üçün bəlaya çevrildiyini və zərərlərinin aradan qaldırılması üçün maarifləndirilmənin artırılmalı olduğunu bildirib. Narkomaniyanın cinayətkarlığa, zorakılığa yol açdığını, hazırda ciddi qlobal problemə çevrildiyini, narkotik vasitələrdən istifadə edən şəxslərin özlərini uğurlu gələcəkdən məhrum etdiklərini diqqətə çatdırıb.
Yasamal Rayon Polis İdarəsinin rəisi, polis polkovniki Mirnemət Mirbabayev mövzu haqqında geniş məruzə edib. Narkomanlığın dünyanı narahat edən qlobal problemlərdən olduğunu, cəmiyyətin mənəvi, əxlaqi dəyərlərinə, sosial-iqtisadi inkişafa böyük zərbə vurduğunu, insanların sağlamlığına ciddi təhlükə yaratdığını deyən polis rəisi hər bir Azərbaycan vətəndaşının cəmiyyəti, xüsusilə də gənc nəsli bu bəladan xilas etmək üçün addımlar atmalı olduğunu vurğulayıb. O, vətəndaşların operativ əlaqə saxlaması üçün “802” çağrı xidmətinin fəaliyyət göstərdiyini diqqətə çatdırıb.
Görüş şagirdlərin suallarının cavablandırılması ilə başa çatıb.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər