Gəncə şəhər humanitar və təbiət fənləri təmayüllü lisey (Gəncə şəhər S.Vurğun adına tam orta ümumtəhsil məktəbinin bazasında yaradılan) və Göygöl rayon texniki, təbiət fənləri təmayüllü liseyə 2025-2026-cı tədris ili üçün müəllim qəbulu ilə bağlı müraciətlərin qəbuluna başlanılır.

Gəncə - Daşkəsən Regional Təhsil İdarəsindən “Azərbaycan müəllimi”nə bildirilib ki, işə qəbulda yalnız GDRTİ-nin tabeliyində fəaliyyət göstərən ümumtəhsil müəssisələrində daimi əsaslarla çalışan müəllimlər iştirak edə bilərlər.

Yeni liseylərdə yüksək nəticə əldə etmiş, innovativ tədris metodlarına sahib və şagird yönümlü yanaşmaya üstünlük verən müəllimlərin cəlb olunması məqsədi ilə seçim prosesi müsahibə əsasında həyata keçiriləcək.

Qeydiyyatı təsdiqlınmiş namizədlər müsahibəyə gələrkən tədris prosesi zamanı əldə etdiyi nailiyyətlərlə bağlı təsdiqedici sənədləri gətirmələri tövsiyyə olunur.

Namizədlər üçün tələblər:

– Sonuncu qiymətləndirmə (Təhsilverənlərin sertifikatlaşdırılması prosesi, Müəllimlərin işə qəbulu və ya Diaqnostik qiymətləndirmə) nəticələri 85%-dən çox olması

– Müasir tədris metodlarına (aktiv, layihə əsaslı, STEAM və s.) bələdlik, Rəqəmsal bacarıqların və İKT biliklərinin olması,davamlı inkişaf və özünüinkişafa açıq olmaq, aktiv təlim metodları, layihə əsaslı öyrənmə, tənqidi və yaradıcı düşüncə bacarıqlarının tətbiqi;

Liseylərdə tədris yalnız Azərbaycan bölməsi üzrə aparılır.

Qeydiyyat üçün link: https://docs.google.com/.../15vXtkDoD89kXuG8.../edit

Qeydiyyat üçün son tarix 27 avqustdur.