“ICPC çərçivəsində universitetlər bir-birilə əlaqələr qurur və bu əlaqələrin tərəfdaşlığa çevrilməsi gözlənilir”.
“Azərbaycan müəllimi”nin məlumatına görə, bunu ICPC 2025 Dünya Finalı çərçivəsində keçirilən mətbuat konfransında millət vəkili, ADA Universitetinin prorektoru Fariz İsmayılzadə deyib.
Millət vəkili əlavə edib ki, bu əməkdaşlıq çərçivəsində tələbə və müəllim mübadiləsi həyata keçirilə, birgə elmi tədqiqatlar aparıla, konfranslar təşkil oluna bilər.
O həmçinin qeyd edib ki, ICPC platforması universitetlər arasında əməkdaşlıqla yanaşı, sənaye ilə də birgə fəaliyyətə imkan yaradır. Texnoloji şirkətlərlə ortaq layihələrin müzakirəsi, birgə laboratoriyaların yaradılması və elmi tədqiqatların aparılması üçün şərait formalaşır.
“Son 4–5 gün ərzində aparılan danışıqlar nəticəsində məsuliyyətli addımların atılacağına, memorandumların və birgə layihələrin yaxın gələcəkdə reallaşdırılacağına inanıram”, – deyə prorektor vurğulayıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər