“Məktəbli könüllü” proqramı artıq ikinci mərhələsinə start verilir.

“Azərbaycan müəllimi” xəbər verir ki, proqrama qoşulmaq istəyən 8, 9, 10 və 11-ci sinif şagirdləri 2 sentyabr – 1 oktyabr 2025-ci il tarixinədək qeydiyyatdan keçməlidirlər. Proqramın fəaliyyət dövrü 15 oktyabr 2025 – 15 yanvar 2026-cı illəri əhatə edir.

Qeydiyyat üçün bu linkə keçid edə bilərsiniz.

Proqrama qoşulan şagirdlər nə əldə edəcəklər?

• məktəblilərin yerli icmaların inkişafı istiqamətində mövcud infrastrukturların yaxşılaşdırılması, abadlaşdırılması və ictimai xidmətlə bağlı layihələrə cəlb edilməsi;
• ekoloji problemlərin həlli və iqlim dəyişikliklərinə uyğunlaşmaq üçün müntəzəm olaraq məktəblilərin maarifləndirilməsi, iməcilik aksiyalarının təşkili – ağacəkmə fəaliyyətləri, tullantıların təmizlənməsi, resurslardan səmərəli istifadə;
• məktəb daxilində karyera klublarının formalaşdırılması, həmçinin asudə vaxtın səmərəli təşkili üçün dil, idman, incəsənət kimi sahələrdə ictimai klubların təşkili və onlara məktəblilərin özlərinin rəhbərlik etmələri;
• məktəblilərin şəxsi inkişafına dəstək verəcək müxtəlif mövzulu yay və qış düşərgələrinin təşkili;
• məktəbdaxili intellektual, sosialtipli müsabiqə və yarışların təşkili;
• Bu mərhələdə Bakı, Sumqayıt və Xırdalan şəhərlərində təhsil alan məktəblilər müxtəlif layihə və tədbirlərdə iştirak imkanı qazanacaqlar.

 Qeyd edək ki,  “Bir Könüllü” Tələbə Təşkilatının təşəbbüsü, Elm və Təhsil Nazirliyinin dəstəyi ilə təşkil edilən proqramın məqsədi məktəblilərin könüllülük hərəkatına sistemli şəkildə qoşulmasını təmin etmək, onların sosial bacarıqlarını inkişaf etdirmək, ictimai fəallığını və vətəndaş məsuliyyətini gücləndirməkdir.