Azərbaycan Respublikasının Təhsil İnstitutu və İnformatika üzrə Milli Olimpiada komandasının tərəfdaşı olan “Azercell Telekom” MMC proqramlaşdırma üzrə “Azercell Cup” müsabiqəsini elan edir.
“Azərbaycan müəllimi” xəbər verir ki, müsabiqə 6-7-ci sinif şagirdləri arasında keçirilir və qeydiyyat https://azercellcup.org saytı üzərindən aparılır.
Müsabiqənin fəaliyyət planına uyğun olaraq 20-30 mart tarixlərində sınaq turu, 5 aprel tarixində isə birinci tur baş tutacaq. Bir sınaq və üç əsas mərhələdən ibarət olan müsabiqənin sonunda qaliblər beynəlxalq olimpiadalara hazırlıq dərslərinə dəvət olunacaqlar.
Qeyd edək ki, müsabiqənin əsas məqsədi rəqəmsal texnologiyalara, informatika elminə, kompüter mühəndisliyi və proqramlaşdırmaya marağı olan məktəblilərə dəstək olmaq, onların fərdi və elmi inkişafına töhfə verməkdir.
Xatırladaq ki, 2017-ci ildən etibarən məktəblilərimizin beynəlxalq fənn olimpiadalarına hazırlıq prosesi “Azercell Telekom” MMC-nin dəstəyi ilə həyata keçirilir. Bu müddət ərzində məktəblilərimiz fərqli yaş qrupları üzrə müxtəlif miqyaslı proqramlaşdırma müsabiqələrində ümumilikdə 90 medal qazanıblar.
1 /1
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər