“Qarabağa qayıtmaq müqəddəs bir işdir və müəllimlər böyük həvəs ilə orada dərs keçmək istəyirlər. İlk dəfə Ağalıya köç olanda oradakı məktəbdə bizim 12 müəllim yerimiz var idi, amma bu yerlər üçün 800-dən artıq müraciət daxil olmuşdu”.
“Azərbaycan müəllimi” xəbər verir ki, bu fikirləri AzTV-nin “Hədəf” proqramının qonağı olan elm və təhsil naziri Emin Əmrullayev səsləndirib.
O bildirib ki, sistem olaraq müəllimlərin Qarabağa gəlməsi üçün iki meyara əsaslanan müəyyən mexanizm var:
“İlk olaraq geri qayıdanlar arasında müəllimlər varsa, onlar işə götürülür. Çünki bu müəllimlər həmin kəndlərdə yaşayacaq, uzun müddət burada işləyəcək və yaşayış yeri ilə təmin olunurlar. İkinci olaraq yerli əhali arasından seçilirlər. Əgər müəyyən kəndin əhalisi arasında müəllim yoxdursa, qonşu kəndlərdə yaşayan namizədlərə baxılır və yerlər onlara verilə bilər. Əgər bu imkanlar da yetərli deyilsə, həmin yerlər müsabiqə əsasında doldurulur. Bir çox hallarda isə yerli kontekstdə problemi həll etmək mümkündür”.
Nazir bildirib ki, proses uğurla davam edəcək:
“Əminliklə deyə bilərəm ki, “Böyük Qayıdış” Proqramı çərçivəsində fəaliyyət göstərən hər hansı bir məktəbdə müəllim problemi yoxdur”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər