“Təhsilin bütün pillə və səviyyələrində Qərbi Azərbaycan mövzusuna yer verilib”.
"Azərbaycan müəllimi" xəbər verir ki, bunu elm və təhsil nazirinin müavini Firudin Qurbanov Bakı Slavyan Universitetində "Konstitusiya və Suverenlik İli" çərçivəsində təşkil olunan "Qərbi Azərbaycan tədqiqatlarda: Çağırışlar və perspektivlər" mövzusunda konfransda bildirib.
Nazir müavini təəssüflə qeyd edib ki, uzun illər Qərbi Azərbaycanın tarixi yetərincə araşdırılmayıb:
"Ən son bu mövzuya görkəmli tarixçi, etnoqraf Qiyasəddin Qeybullayevin monoqrafiyasında geniş yer ayrılıb. Lakin son dövrlərdə bu sahədə fundamental tədqiqatlar aparılır, yeni əsərlər yazılır".
Firudin Qurbanov əlavə edib ki, Elm və Təhsil Nazirliyində Qərbi Azərbaycanla bağlı xüsusi işçi qrupu yaradılıb.
"Əsas məqsədimiz Qərbi Azərbaycanın tarixini gələcək nəsillərə olduğu kimi çatdırmaqdır. Artıq bu mövzu tədris proqramlarında öz əksini tapıb. Tarix və coğrafiya fənlərində Qərbi Azərbaycana dair materiallar yer alır”, – deyə nazir müavini vurğulayıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər