Naxçıvan Dövlət Universiteti (NDU) əcnəbi tələbə kontingentinə görə ölkə universitetləri arasında sıralamada öndədir.
“Azərbaycan müəllimi” xəbər verir ki, bunu universitetin rektoru Elbrus İsayev "Naxçıvan Dövlət Universitetində 2024-cü ilin yekunları və 2025-ci il üzrə prioritetlər" mövzusunda keçirdiyi brifinqdə deyib.
Rektor qeyd edib ki, NDU-da 15 ölkədən 2000-ə yaxın əcnəbi tələbə təhsil alır. Hazırda universitetdə bakalavriat, magistratura, rezidentura və doktorantura daxil olmaqla, 250-ə yaxın proqram üzrə hazırlıq aparılır. Ali təhsil ocağının dünyanın 150-yə yaxın universiteti ilə birbaşa əlaqələri var. Universitetdə Azərbaycan dili ilə yanaşı, tədrisi ingilis dilində olan ixtisaslar da var.
E.İsayev qeyd edib ki, 2024-cü il NDU tarixində 2 198 tələbənin təhsilini bitirməsi ilə ali təhsil ocağının ən çox məzun verdiyi il olub:
“Həmçinin 2024-cü ildə Dövlət İmtahan Mərkəzinin ölkə üzrə keçirdiyi dövlət qulluğuna qəbul imtahanlarında NDU-nun məzunları ən yüksək nəticəni göstərib universiteti lider ali məktəbə çeviriblər”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər