19-20 fevral tarixlərində Sənaye və İnnovasiyalar üzrə Bakı Dövlət Peşə Təhsil Mərkəzində peşə təhsili müəssisələrinin inkişaf strategiyalarının gücləndirilməsi məqsədilə “Strateji inkişaf planları”nın hazırlanması mövzusunda təlimlər təşkil edilib.
Mərkəzdən “Azərbaycan müəllimi”nə bildirilib ki, təlimlərdə 21 peşə təhsili müəssisəsinin rəhbəri, tədris və təlim işləri üzrə direktor müavinləri, eləcə də keyfiyyət təminatı üzrə mütəxəssislər iştirak ediblər.
Təlimlərin əsas məqsədi peşə təhsili müəssisələrinin rəhbər heyətinin strateji idarəetmə bacarıqlarını inkişaf etdirmək, onların uzunmüddətli inkişaf istiqamətlərini müəyyən etməsinə dəstək, dayanıqlı inkişaf üçün zəruri bilik və bacarıqlar qazandırmaq olub.
Təlim proqramı çərçivəsində iştirakçılar strateji planlaşdırmanın əsas komponentləri – missiya, vizyon, strateji hədəf və göstəricilərin müəyyənləşdirilməsi, SWOT və PESTLE təhlili, fəaliyyət planlarının hazırlanması və icra mexanizmləri üzrə nəzəri və praktiki biliklər əldə ediblər. Təlimlər interaktiv formatda təşkil olunub, iştirakçılar real nümunələr əsasında qrup çalışmalarında iştirak edərək əldə etdikləri bilikləri praktik şəkildə tətbiq ediblər.
1 /4
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər