Azərbaycan Texnologiya Universitetinin müəllim və tələbələri innovativ texnologiyaların inkişafına yönəlmiş “Velo Coin” layihəsi hazırlayıblar.
Universitetdən “Azərbaycan müəllimi”nə bildirilib ki, layihə velosipedin pedallarının hərəkəti ilə enerji istehsalını nəzərdə tutur. Bu enerji xüsusi batareyalarda toplanır. Enerji müxtəlif məqsədlər - küçələrin işıqlandırılması, mobil cihazların enerji ilə doldurulması və s. enerji ehtiyaclarının təmini üçün istifadə edilə bilər.
İstifadəçilər yığdıqları enerjiyə görə “Velo Coin” adlı xüsusi elektron valyuta qazanırlar. Blokçeyn texnologiyası vasitəsilə təqdim edilən “Velo Coin”lər bazarda satıla biləcək elektron valyuta formatındadır. İstifadəçilər topladıqları coinləri müxtəlif platformalarda sataraq gəlir əldə edə bilərlər.
“Velo Coin” ekoloji təmiz enerji istehsalını, gəncləri sağlam həyat tərzinə təşviq edir, onlara xüsusi elektron valyuta qazanmaq imkanı verir.
Velosiped sürməklə istehsal edilən enerji karbon qazı tullantılarını azaltmağa, şəhər mərkəzlərinin ekoloji baxımdan daha təmiz olmasına kömək edir.
Layihə artıq universitetdə sınaq məqsədilə tətbiq edilib.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər