Region məktəbinin bütün məzunları tələbə oldu
Şirvan şəhəri Kimya-biologiya təmayüllü liseyin 2024–2025-ci tədris ili üzrə məzunları ali məktəblərə qəbul imtahanlarında yüksək nəticə əldə ediblər.
Liseydən “Azərbaycan müəllimi”nə verilən məlumata görə, bu il sözügedən təhsil ocağını 49 məzun bitirib.
Liseydə 650-dən çox bal toplayan məzun sayı 6 nəfərdir və onlar Bakı Ali Neft Məktəbi (2 nəfər), Azərbaycan Tibb Unversiteti (2 nəfər), ADA Universitetini (2 nəfər) seçiblər. Liseyin 3 məzunu xarici ölkələrin nüfuzlu universitetlərində təhsil almaq hüququ qazanıb.
Liseyin bir məzunu isə yüksək balla Qarabağ Universitetinin Maliyyə fakültəsinə qəbul olub.
Ümumilikdə isə lisey məzunlarının 12 nəfəri 500-dən çox bal toplayaraq uğurlu nəticə əldə edib.
Qeyd edək ki, məzunların 7 nəfəri elm və təhsil naziri Emin Əmrullayevin əmri ilə “Təhsildə xüsusi nailiyyətlərə görə” qızıl nişan ilə təltif olunub.
