Sertifikatlaşdırma şagird nəticələrinə təsir edirmi? – Nazir açıqladı
“Sertifikatlaşdırma prosesinin şagird nəticələrinə təsirini qısamüddətli dövrdə söyləmək çətindir”.
“Azərbaycan müəllimi” xəbər verir ki, bunu elm və təhsil naziri Emin Əmrullayev “Sertifikatlaşdırma 2026: səriştəli müəllim – keyfiyyətli təhsil” mövzusunda keçirilən tədbirdə sual-cavab sessiyasında deyib.
Nazirin sözlərinə görə, sentyabr ayından etibarən şagirdlərin beynəlxalq qiymətləndirilməsinin nəticələri açıqlanacaq: “Ümumiyyətlə, sertifikatlaşdırma prosesinin nəticəsini tam olaraq 2023-2024-cü illərdə ibtidai sinfə gedən şagirdlərin nəticələrində görəcəyik”.
O bildirib ki, sertifikatlaşdırma prosesinin nəticələrini uzunmüddətli dövrdə müşahidə ediləcək, xüsusilə növbəti ilin PRILS tədqiqatında ibtidai sinif üzrə nəticələr özünü göstərəcək.
