BDU və Ege Universiteti mübadilə protokolu imzalayıb
Bakı Dövlət Universiteti (BDU) ilə Türkiyənin Ege Universiteti arasında “Orhun” mübadilə protokolu imzalanıb.
Bu barədə “Azərbaycan müəllimi”nə BDU-dan bildirilib. Sənədi BDU-nun rektoru Elçin Babayev və Ege Universitetinin rektoru İlkin Şengün imzalayıblar. Protokol çərçivəsində tələbələrin, tədqiqatçıların və akademik heyətin mübadiləsi nəzərdə tutulur.
Qeyd edək ki, 1955-ci ildən fəaliyyət göstərən Ege Universitetində 19 fakültə var. Ege Universiteti “QS World University Rankings”də 1001-1200, “QS WUR Ranking By Subject” 251-300, “Times Higher Education” reytinqində isə 1201-1500-cü pillədə yer alır.
