Biləsuvarda məktəblilər quşlar üçün evciklər hazırladılar
Biləsuvarda məktəblilər tərəfindən “Təbiət bizim evimizdir” layihəsi icra olunub.
"Azərbaycan müəllimi" xəbər verir ki, Gənclərin İnkişaf və Karyera Mərkəzinin Şirvan-Salyan regional nümayəndəliyi və Biləsuvar rayon Xanlar Qafarov adına İsmətli kənd tam orta ümumtəhsil məktəbinin peşə təmayüllü siniflərinin təşkilatçılığı ilə rayonda “Təbiət bizim evimizdir” adlı növbəti layihə həyata keçirilib.
Layihə çərçivəsində gənclər quşlar üçün xüsusi evciklər hazırlayaraq onları Mərkəzi Parkdakı ağaclardan asıblar.
Bu addımları ilə gənclər təbiətin qorunmasına töhfə verməklə yanaşı, həm də əl işi bacarıqlarını nümayiş etdiriblər.
