BSU H-indeks göstəricilərində 10 pillə irəliləyib
Azərbaycan Milli H-indeks Reytinqinin 2025-ci ilin II rübü üzrə nəticələri açıqlanıb. Reytinq cədvəlində ölkənin 100-ə yaxın ali təhsil müəssisəsi və elmi-tədqiqat institutları yer alıb. Bakı Slavyan Universiteti (BSU) bu dəfəki nəticələrə əsasən H-indeksi üzrə ən sürətli yüksəliş nümayiş etdirən ali təhsil müəssisələrindən biri kimi qeydə alınıb.
BSU-dan “Azərbaycan müəllimi”nə bildirilib ki, universitet əvvəlki reytinqlə müqayisədə 10 pillə irəliləyərək ümumi sıralamada 46-cı yerə yüksəlib. Bu göstərici BSU-da elmi fəaliyyət sahəsində müşahidə olunan davamlı inkişafı əks etdirir.
Eyni zamanda, BSU-nun bir neçə əməkdaşı Google Scholar elmi bazası üzrə tərtib olunan “TOP 1000 Azərbaycanlı Alim” siyahısında yer alıb.
2025-ci ilin II rübü üzrə BSU-nun H-indeks göstəriciləri:
Milli H-indeks: 5 (+2 artım)
Scopus H-indeks: 3 (sabit)
Web of Science H-indeks: 3 (+1 artım)
Google Scholar H-indeks: 15 (+9 artım)
