Bu gün Azərbaycana bahar fəsli daxil olur
Azərbaycana yaz fəsli 20 Mart saat 13:01-də daxil olacaq.
Nəsirəddin Tusi adına Şamaxı Astrofizika Rəsədxanasından “Azərbaycan müəllimi”nə verilən məlumata görə, bu gün Günəş göyün cənub yarımkürəsindən şimal yarımkürəsinə keçir və şimal yarımkürəsində yaz fəsli, cənub yarımkürəsində isə payız fəsli başlayır. Bu zaman yaz gecə və gündüzün uzunluğu bərabərləşərək bütün coğrafi enliklərdə 12 saat olur.
