DİM abituriyentlərə xəbərdarlıq etdi
DİM sədri abituriyentlərə imtahan iştirakçılarının davranış qaydalarına xüsusi diqqət yetirmələri ilə bağlı çağırış edib.
"Azərbaycan müəllimi” xəbər verir ki, Dövlət İmtahan Mərkəzinin İdarə Heyətinin sədri Məleykə Abbaszadə bu gün ali təhsil müəssisələrinə qəbul imtahanlarının başlanması ilə əlaqədar təşkil edilən brifinqdə imtahan iştirakçılarının nəzərinə çatdırıb ki, qayda pozuntularına yol verən şəxslərin bütün nəticələri ləğv olunur və onlar ali və ya orta ixtisas təhsili müəssisələrinin müsabiqəsində iştirak etmək şanslarını itirirlər. Yəni qayda pozuntusuna yol verənlər qəbul imtahanlarının ikinci cəhdinə də buraxılmırlar, həmçinin onlar birinci mərhələnin (buraxılış imtahanının) nəticəsinə əsasən, V ixtisas qrupunun müsabiqəsində iştirak hüququnu itirirlər.
