Elm və Təhsil Nazirliyinə 54 minə yaxın vətəndaş müraciəti olub
İyulun 15-dən 31-dək Elm və Təhsil Nazirliyi və tabeliyində olan qurumlara ümumilikdə 53 780 vətəndaş müraciəti daxil olub.
"Azərbaycan müəllimi" xəbər verir ki, müraciətlərin 9 447-si elektron qaydada, 2 360-ı yazılı formada, 34 923-ü çağrı mərkəzləri vasitəsilə qəbul edilib. Bundan əlavə, 7 050 müraciət vətəndaş qəbulu zamanı qeydə alınıb.
Daxil olan müraciətlər əsasən müəllimlərin işə qəbulu, peşə təhsili müəssisələrinə tələbə qəbulu, tələbələrin köçürülməsi prosesi, məktəbəqədər təhsil müəssisələrinə qeydiyyat və digər məsələlərlə bağlı olub.
