Emin Əmrullayev Qazaxıstanda Farabi Hub İnnovasiya Mərkəzini ziyarət edib
Elm və təhsil naziri Emin Əmrullayevin rəhbərlik etdiyi nümayəndə heyəti Qazaxıstan Respublikasının Almatı şəhərinə səfəri çərçivəsində aprelin 7-də Əl-Farabi adına Qazax Milli Universitetinin Farabi Hub İnnovasiya Mərkəzini ziyarət edib.
"Azərbaycan müəllimi" xəbər verir ki, ziyarət zamanı nümayəndə heyətinə Mərkəzin fəaliyyəti, eləcə də innovasiya və texnologiya yönümlü layihələr barədə ətraflı məlumat təqdim olunub. Tanışlıq çərçivəsində Mərkəzin müasir laboratoriyalarına da baxış keçirilib.
