ETİHİ Respublika Komitəsi ucqar kəndlərdə çalışan müəllimlərlə görüşlər keçirir
Elm və Təhsil İşçiləri Həmkarlar İttifaqı Respublika Komitəsi 5 Oktyabr – Beynəlxalq Müəllimlər Günü münasibətilə respublikanın müxtəlif bölgələrində, o cümlədən ucqar yaşayış məntəqələrində çalışan müəllimlərlə silsilə görüşlər keçirir.
“Azərbaycan müəlimi” xəbər verir ki, bu çərçivədə ilk tədbirlər Şamaxı, Şabran, Qəbələ, Şirvan , Zərdab və Ağstafada təşkil olunub.
ETİHİ Respublika Komitəsinin məsul əməkdaşları müəllimlərlə görüşərək rəhbərliyin bayram təbriklərini çatdırıb, təhsilin inkişafında, gənc nəslin formalaşmasında və cəmiyyətin tərəqqisində onların mühüm rolunu vurğulayıblar.
Qeyd edək ki, Beynəlxalq Müəllimlər Günü münasibətilə keçirilən tədbirlər respublikanın digər şəhər və rayonlarında da davam etdiriləcək.
