Gəncədəki bıçaqlanma hadisəsi ilə bağlı RƏSMİ AÇIQLAMA
“Gəncə şəhərində baş vermiş bıçaqlanma hadisəsi ilə bağlı tərəfimizdən araşdırma aparılıb. Araşdırmanın nəticəsinə əsasən, hadisədə iştirak edən tərəflərdən heç biri Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrinin şagird kontingentində yoxdur”.
Bu, Regional Təhsil İdarəsindən “Azərbaycan müəllimi”nin sorğusuna verilən cavabda qeyd edilib.
Bildirilib ki, məsələ ilə bağlı hüquq-mühafizə orqanları tərəfindən araşdırma aparılır.
Xatırladaq ki, dünən Gəncə şəhərində məktəblinin bıçaqlanması ilə bağlı məlumat yayılmışdı.
