Lənkəranda tələbələr yetişdirdikləri məhsulun yığımına başlayıblar
Lənkəran Dövlət Peşə Təhsil Mərkəzi bitkiçilik sahəsi üzrə təhsil alan tələbələri yetişdirdikləri məhsulun yığımına başlayıblar.
Bu barədə “Azərbaycan müəllimi”nə Mərkəzin direktoru Afər Kərimov məlumat verib.
Onun sözlərinə görə, peşə təhsilində ilk dəfədir ki, ən müasir əkin texnoloqiyası "torpaqsız əkin" sınaqdan keçirildi. Müəllim və tələbələrimizin bu sahədə təcrübələri və zəhmətləri öz bəhrəsini verib: “Qeyd etmək istəyirik ki, pomidor şitilləri Lənkəran Dövlət Peşə Təhsil Mərkəzinə Azərsunun "GreenTek" şirkəri tərəfindən təqdim edilmişdir. Bu təhsil sahəsində dövlət-özəl sektorları arasında əməkdaşlığın daha bir məhsuldar nümünəsidir”.
