Məhkəmə sertifikasiyadan keçə bilməyən müəllimin tələbini rədd edib
Sertifikasiya prosesində uğur qazana bilmədiyi üçün əmək müqaviləsinə xitam verilmiş Laçın rayon 9 nömrəli tam orta məktəbinin keçmiş Azərbaycan dili və ədəbiyyat müəllimi Qədirova Şəlalə Kərim qızı imtahanın nəticələri ilə razılaşmayaraq məhkəməyə müraciət edib.
Məsələ ilə bağlı Məktəbəqədər və Ümumi Təhsil üzrə Dövlət Agentliyindən ”Azərbaycan müəllimi”nə verilən məlumata görə, Nərimanov Rayon Məhkəməsində agentliyə qarşı 31 avqust 2023-cü il tarixində keçirilmiş sertifikatlaşdırma imtahanının və 8 iyun 2024-cü il tarixində keçirilmiş təkrar sertifikatlaşdırma imtahanının nəticələrinin iddiaçıya aid hissədə ləğv edilməsi iddiasını qaldırıb. Məhkəmənin qətnaməsi ilə onun iddiası təmin olunmayıb.
