Mingəçevir Dövlət Universiteti əmək yarmarkasında təmsil olunub
Sentyabrın 5-də Mingəçevir Dövlət Universiteti (MDU) Dövlət Məşğulluq Agentliyinin təşkilatçılığı ilə Mingəçevir şəhərində keçirilən əmək yarmarkasında iştirak edib.
Bu barədə universitetdən “Azərbaycan müəllimi”nə məlumat verilib. Bildirilib ki, çoxsaylı dövlət qurumları və özəl müəssisələrin qatıldığı yarmarkada MDU-nun İnsan Resursları şöbəsinin əməkdaşları universitetdə mövcud olan vakansiyalar haqqında gələn şəhər sakinlərinə ətraflı məlumat veriblər.
Görüşlər zamanı işə maraq göstərən şəxslərin əlaqə vasitələri və rezümeləri qəbul olunub. Yarmarkaya gələnlər tərəfindən MDU-nun tərəfindən təqdim edilmiş vakansiyalara diqqət və maraq yüksək səviyyədə olub.
Qeyd edək ki, universitetin əmək yarmarkasında iştirakı bölgədəki əmək bazarına inteqrasiyanın gücləndirilməsi, yerli sakinlərin məşğulluq imkanlarının artırılması və gənclərə daha geniş karyera perspektivləri yaratmaq məqsədi daşıyır.
