Cənubi Koreya Respublikasının Azərbaycandakı səfirliyinin nümayəndələri – səfirliyin müşaviri və missiya rəhbərinin müavini Kim Changsoo və iqtisadi məsələlər üzrə baş assistent Arzu Umarova Bakı Ali Neft Məktəbində (BANM) olublar.
Bu barədə “Azərbaycan müəllimi”nə BANM-dən məlumat verilib.
Ali məktəbin strateji inkişaf üzrə prorektoru Güldənə Hidayətli ilə görüşdə Cənubi Koreya universitetləri ilə akademik əməkdaşlığın genişləndirilməsi və bu istiqamətdə səfirliyin mümkün dəstəyi müzakirə olunub. Tərəflər mühəndislik, enerji və informasiya texnologiyaları kimi sahələrdə birgə proqramlar və tədqiqat təşəbbüsləri ilə bağlı fikir mübadiləsi aparıblar.
Eyni zamanda, 2025-2026-cı tədris ilindən etibarən Cənubi Koreyadan istedadlı tələbələrin BANM-də təhsili üçün şəraitin yaradılması, tanıtım tədbirləri, təqaüd proqramları və informasiya dəstəyi məsələləri nəzərdən keçirilib.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər