“DeepMind AI” çətin riyaziyyat olimpiadasının suallarını qızıl medalçılar səviyyəsində həll etməyə nail olub.

“Azərbaycan müəllimi” “arXiv” portalına istinadən xəbər verir ki, “Google” şirkətinin “DeepMind” layihəsinin tədqiqatçılar qrupu “AlphaGeometry2” süni intellektinin son 25 ildə Beynəlxalq Riyaziyyat Olimpiadasında (IMO) iştirak edən şagirdlərə verilən problemlərin həlli zamanı qızıl medalçılar səviyyəsində çıxış etdiyini açıqlayıb.

Əvvəlki araşdırmalar həndəsə problemlərini həll edə bilən süni intellektin həm yüksək səviyyədə düşünmə qabiliyyəti, həm də problemin həlli istiqamətində işləmək üçün mümkün addımlar arasından seçim etmək bacarığı tələb etdiyindən daha mürəkkəb tətbiqlərin yaranmasına səbəb olacağını irəli sürürdü.

“DeepMind” komandası da bu məqsədlə həndəsə problemlərini həll edən təkmil proqramların üzərində işləməyə başladı. Proqramın ilk modeli yanvar ayında istifadəyə verilib. İkinci modeli isə “AlphaGeometry2” adlanır.

Komanda bu proqramı riyazi sübutlar edən “Alpha Proof” adlı başqa bir sistemlə birləşdirdi. Nəticədə, modelin ötən yay Beynəlxalq Riyaziyyat Olimpiadasında təqdim olunan 6 problemdən 4-nü həll edə bildiyi məlum oldu. Bu yeni araşdırma üçün tədqiqat qrupu son 25 ildə Beynəlxalq Riyaziyyat Olimpiadasının təqdim etdiyi çoxsaylı problemlərdən istifadə edərək sistemin qabiliyyətinin sınaqdan keçirib.

Tədqiqat qrupu biri də “Google” şirkətinin “Gemini” dil modeli olan bir çox əsas elementləri birləşdirərək “AlphaGeometry2”ni yaradıb. Digər elementlər orijinal problemin və ya onun hissələrinin həlli yollarını tapmaq üçün riyazi qaydalardan istifadə edir.

Komanda qeyd edir ki, riyazi problemləri həll etmək üçün əvvəlcə müəyyən konstruksiyalar əlavə edilməlidir. “AlphaGeometry2” verilmiş problemi həll etmək üçün istifadə oluna biləcək addımları təklif edir və sonra onları yoxlayır.

“AlphaGeometry2” təqdim olunan 50 problemdən 42-ni düzgün həll edə bilib ki, bu da müsabiqədəki orta qızıl medalçının nəticələrindən bir qədər yüksəkdir.