“Uğurlu dediyimiz məktəbin mahiyyətində müasirlik olmalıdır. Belə məktəb cəmiyyətin avanqardı olmaqla onu gələcəyin hədəflərinə doğru apara bilməlidir”.
Bunu “Azərbaycan müəllimi”nə müsahibəsində pedaqogika üzrə fəlsəfə doktoru, Əməkdar müəllim Ənvər Abbasov deyib.
Onun sözlərinə görə, sabaha yol alan bu məktəblər, əslində, elə müasir məktəblərdir və onların gələcəyə hədəflənmiş uğurları var:
“Bu cür məktəblərin bütün zamanlarda cəmiyyətin ehtiyac və təlabatlarına cavab verə bilməsi ciddi pedaqoji problem olaraq düşüncə obyektinə çevrilir. Bəzən məktəbi müəyyən zaman kəsiyində cəmiyyətdən təcrid olunmuş şəkildə təqdim edənlər də tapılır. Onu ayrıca götürülmüş bir obyekt olaraq formalaşdırmaq, inkişaf etdirmək barədə düşünülür. Bu nə qədər faydalı görünsə də, məktəbin real cəmiyyət müstəvisində olması, daha doğrusu, məktəbin cəmiyyət, onun özü olması fikri ilə tərs mütənasiblik təşkil edir. Ona görə də müasir məktəbə müasir dövrün atributu kimi yanaşmaq, onu daha çox innovasiyaların mərkəzində, cəmiyyətin inkişafının fövqündə, yaxud gələcəyə istiqamətlənmiş fəaliyyətlərin yüksək zirvəsində təsəvvür etmək lazımdır”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər