“Hazırda Azərbaycanda 22 region üzrə 67 məktəbdə inklüziv siniflər fəaliyyət göstərir. Bu siniflərdə 350-dən çox uşaq birinci sinifdən başlayaraq təhsil alır və artıq bəzi məktəblərdə şagirdlər səkkizinci sinfə qədər təhsilini davam etdirir”.
“Azərbaycan müəllimi” xəbər verir ki, bunu bu gün "Peşə təhsilverəni: Yeni çağırışlar və perspektivlər" mövzusunda keçirilən konfransda panel müzakirələr zamanı UNICEF-in Təhsil üzrə mütəxəssisi Leyla Həsənova deyib.
O bildirib ki, bu proses heç də asan başa gəlmir, çünki inklüziv təhsil qanunvericilikdə dəyişikliklər tələb edir. Bununla yanaşı, dövlət tərəfindən inklüziv təhsilə dair xüsusi siyasətin tətbiqi zəruridir:
“Bu istiqamətdə əldə olunan mühüm nailiyyətlərdən biri də təhsil qanununda inklüziv təhsillə bağlı dəyişikliklərin edilməsi və inklüziv təhsilin dövlətin əsas prioritetlərindən biri kimi qanunvericilikdə təsbit olunmasıdır”.
O əlavə edib ki, hazırda yeni dövlət proqramı hazırlanır ki, bu da Azərbaycanın inklüziv təhsili digər mühüm sahələr kimi realistik və prioritet istiqamət olaraq qəbul etdiyini bir daha sübut edir. Bu prosesin davamlı şəkildə irəliləməsi planlaşdırılır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)