Ötən il təhsil xərclərinə ayrılan vəsait 10,3% çoxalıb
Təhsilin inkişafı ilə bağlı qəbul olunan mühüm strategiya və proqramlar nəticəsində dövlət büdcəsindən təhsilə ayrılan xərclər əhəmiyyətli şəkildə artıb.
“Azərbaycan müəllimi” xəbər verir ki, bu, Nazirlər Kabinetinin 2024-cü il üzrə hesabatında öz əksini tapıb.
Qeyd edilib ki, 2024-cü ilin dövlət büdcəsindən təhsil xərclərinə 4,55 mlrd. manat ayrılıb. Bu da əvvəlki ilin icra göstəricisi ilə müqayisədə 426 mln. manat və ya 10,3% çoxdur.
Xatırladaq ki, NK-nın hesabatı Milli Məclisin martın 14-də keçiriləcək iclasında müzakirəyə çıxarılacaq.
