Qəbələ Dövlət Peşə Təhsil Mərkəzinin tələbələri düşərgədə iştirak edirlər
Qəbələ Dövlət Peşə Təhsil Mərkəzinin tələbələri “Gənclər Həftəsi” çərçivəsində 8 fevral tarixində Qusar Olimpiya İdman Kompleksində Gənclər və İdman Nazirliyi tərəfindən Gənclər və İdman Nazirliyi tərəfindən təşkil olunan “Poliqon” gənclərin hərbi-vətənpərvərlik düşərgəsində iştirak edirlər.
"Azərbaycan müəllimi" xəbər verir ki, düşərgə 3 gün müddətində davam edəcək və ilk gün rəsmi açılış mərasimi, “Kahoot” intellektual oyunu, voleybol və futbol yarışı keçirilib, həmçinin Everest zirvəsinə qalxan ilk azərbaycanlı qadın Elmira Aslanova ilə görüş baş tutub.
92 nəfərin iştirakı ilə baş tutan düşərgədə gənclər proqram çərçivəsində “Canavarlar”, “Aslanlar”, “Zəfər”, “Mübarizlər”, “İgidlər”, “Əqrəblər” və “Qartallar” komandalarına bölünərək:
• Hərbi-taktiki təlimlərə;
• idman yarışlarına;
• komanda oyunlarına;
• qrup çalışmalarına cəlb olunacaqlar.
Düşərgənin əsas məqsədi gənclərdə:
• vətənpərvərlik ruhunun daha da gücləndirilməsi;
• sağlam həyat tərzinin təşviq edilməsi;
• Şanlı Zəfər tarixinin təbliğ edilməsi;
• liderlik və komanda bacarıqlarının inkişaf etdirilməsidir.
