Sertifikasiyada təsviri incəsənətdən suallar belə olacaq - Nümunələr
“Təhsilverənlərin sertifikatlaşdırılma prosesində təqdim olunan tapşırıq və sual nümunələri ümumi təhsil məktəblərində istifadə olunan dərslikləri əhatə edir”.
“Azərbaycan müəllimi” xəbər verir ki, bunu Azərbaycan Respublikasının Təhsil İnstitutu (ARTİ) tərəfindən təsviri incəsənət fənni üzrə sertifikasiyaya hazırlıq məqsədilə təşkil edilən vebinarda “İlin müəllimi”, “Qabaqcıl təhsil işçisi” adlarına və “Tərəqqi” medalına layiq görülmüş Xatirə Xudiyeva deyib.
O qeyd edib ki, “Təsviri sənətin növləri, tarixi və xarakterik xüsusiyyətləri” bölməsinə təsviri sənətin beş növü daxil edilib. “Təsviri sənətdə janrlar, tarixi və xarakterik xüsusiyyətləri” bölməsində hazırda dərsliklərdə mövcud olan janrlar öz əksini tapıb. “Dünya təsviri sənətinin tarixi mərhələləri” bölməsində isə qədim dövr təsviri sənəti, Misir təsviri sənəti və digər mövzular əhatə olunub.
Vebinarın sonunda test nümunələri təqdim edilib.
