Sertifikatlaşdırmanın 2-ci günündə 160 müəllim 51-60 bal toplayıb
Naxçıvanda sertifikatlaşdırma prosesinin ikinci dövriyyəsi üzrə keçirilən test imtahanının ikinci gününün nəticələri məlum olub.
“Azərbaycan müəllimi” xəbər verir ki, imtahanda iştirak edən 562 təhsilverəndən 160-ı, yəni 28.5 faizi 51-60 bal aralığında nəticə göstərib.
Ümumilikdə, imtahana cəlb olunan 565 müəllimdən 562-si iştirak edib ki, bu da 99.4 faiz iştirak göstəricisi deməkdir.
Qeyd edək ki, sertifikatlaşdırma prosesi çərçivəsində 3 namizəd maksimum nəticə – 60 bal toplayıb.
Sertifikatlaşdırma prosesinin ikinci dövriyyəsi üzrə növbəti test imtahanı mayın 10-da fizika, ibtidai sinif, coğrafiya, 11-də isə fiziki tərbiyə, gənclərin çağırışaqədərki hazırlığı, musiqi, tarix, təsviri incəsənət və texnologiya müəllimləri üçün təşkil olunacaq.
