SƏTƏM üzrə beynəlxalq təlim keçirilib
Əmək və Sosial Münasibətlər Akademiyasında Elm və Təhsil İşçiləri Həmkarlar İttifaqının dəstəyi ilə təhlükəsiz əmək mühitinin qurulmasına yönəlmiş beynəlxalq səviyyəli “IOSH təhlükəsiz idarəetmə” təlimi təşkil edilib.
"Azərbaycan müəllimi" xəbər verir ki, Elm və Təhsil İşçiləri Həmkarlar İttifaqı Respublika komitəsinin verdiyi məlumatda qeyd olunur ki, təlim proqramı iştirakçıların SƏTƏM sahəsində biliklərini artırmaq, risklərin idarə edilməsi, iş mühitində təhlükəsizlik mədəniyyətinin gücləndirilməsi və qabaqcıl təcrübələrin tətbiqi istiqamətində bacarıqlarını inkişaf etdirməyə xidmət edib.
Təlimi uğurla tamamlayan iştirakçılara beynəlxalq sertifikatlar təqdim edilib.
