Şirvan-Salyan regionunda 11 təhsil müəssisəsində təmir-tikinti işləri aparılır
Şirvan-Salyan Regional Təhsil İdarəsi üzrə əsaslı və cari təmir işləri aparılan təhsil müəssisələri məlum olub.
Bu barədə "Azərbaycan müəllimi"nə Regional Təhsil İdarədən məlumat verilib.
Bildirilib ki, Salyan rayonunda Xalac kənd 1 nömrəli, ümumtəhsil məktəbində, Dayıkənd kənd ümumtəhsil məktəbində, Çuxanlı kənd ümumtəhsil məktəbində, Salyan rayon 2 nömrəli tam orta ümumtəhsil məktəbində, Salyan rayonu 2 nömrəli məktəbəqədər təhsil müəssisəsində, Salyan rayonu 18 saylı məktəbəqədər təhsil müəssisəsində cari təmir və Salyan rayonu Xalac kənd 2 nömrəli məktəb üçün yeni bina tikintisi işləri aparılır.
Şirvan şəhərində 11 nömrəli məktəbdə əsaslı təmir, 2, 4 və 1 nömrəli məktəblərdə cari təmir işləri görülür.
