Tələbələrdə müstəqil öyrənmə qabiliyyətləri formalaşmalıdır - Bəxtiyar Aslanbəyli
Startapların işinə özəl sektor da dəstəyini göstərməlidir. Bu gün gələcəyin peşələri ilə bağlı müxtəlif proqnozlar var. Ən doğru yanaşma isə tələbələrə müstəqil öyrənməyi öyrətməkdir. Çünki gələcəkdə insan peşəsini dəyişməsə də, peşə öz mahiyyətini dəyişəcək.
"Azərbaycan müəllimi" AZƏRTAC-a istinadla xəbər verir ki, bunu bp-nin Xəzər bölgəsində Xarici əlaqələr və kommunikasiya üzrə vitse-prezidenti Bəxtiyar Aslanbəyli "ASAN xidmət”in “Gələcək üçün bacarıqlar” layihəsi çərçivəsində təşkil olunan IV "TUSİ" inkubasiya proqramının “Demo Day” tədbirində çıxış edərkən deyib.
Onun sözlərinə görə, tələbələrdə müstəqil öyrənmə qabiliyyətləri formalaşmalıdır: "Məktəb yaşlarından etibarən uşaqlarda sahibkarlıq vərdişləri formalaşmalıdır. Çünki startap mərhələsində həmin vərdişləri aşılamaq gec olur".
