Yanvarın 30-da Yer kürəsində maqnit qasırğası başlayacaq
2025-ci il yanvarın 30-da axşam saatlarından başlayaraq Yer kürəsində maqnit qasırğası müşahidə olunacaq.
"Azərbaycan müəllimi" xarici KİV-ə istinadla xəbər verir ki, qasırğanın fevralın əvvəlinə qədər davam edəcəyi və geomaqnit aktivliyin 9 ballıq şkala üzərindən 5 balla qiymətləndiriləcəyi bildirilib.
Bu, meteohəssas insanların sağlamlığına təsir göstərə bilər.
Xüsusilə baş ağrıları, təzyiqin düşməsi, başgicəllənmə, ürək döyüntülərinin artması və tənəffüs çətinliyi kimi simptomlar müşahidə oluna bilər. Bundan əlavə, yuxu problemləri və oynaq ağrıları da baş verə bilər.
Maqnit qasırğaları günəş küləyinin Yer maqnitosferi ilə qarşılıqlı təsirindən yaranır və bu cür hadisələr avadanlıq və naviqasiya sistemlərinə də təsir edir. Mütəxəssislər meteohəssas insanlara öz sağlamlıqlarını nəzarətdə saxlamağı və zərurət olduqda həkimlə məsləhətləşməyi tövsiyə edir.
