114 məktəbli MRİO-da stolüstü tennis üzrə yarışır
Məktəblilərin Respublika İdman Olimpiadasında stolüstü tennis növü üzrə mübarizəyə start verilib.
"Azərbaycan müəllimi" xəbər verir ki, “Şüa” İdman-Sağlamlıq Mərkəzində keçirilən yarışın ilk günündə iştirakçılar şəxsi mübarizədə bacarıqlarını göstərirlər.
İyunun 22-də şəxsi və qoşa, 23-də qoşa və qarışıq qoşa növlərində yarışların nəticələrinə əsasən finalçılar müəyyənləşəcək. Olimpiadanın qaliblərinin adına isə iyunun 24-də aydınlıq gətiriləcək.
Qeyd edək ki, stolüstü tennis yarışlarına ümumilikdə 114 məktəbli qatılıb.
