2 nömrəli internat məktəbində Yeni il münasibətilə tədbir keçirilib
2 nömrəli ümumi təyinatlı internat tipli ümumtəhsil məktəbində Yeni il və 31 Dekabr – Dünya Azərbaycanlılarının Həmrəyliyi Günü münasibətilə bayram tədbiri təşkil edilib.
“Azərbaycan müəllimi” xəbər verir ki, tədbirdə məktəbin rəhbərliyi, müəllimlər və şagirdlərlə yanaşı, orkestr də iştirak edib.
Bayram proqramı çərçivəsində orkestrin müşayiəti ilə musiqi nömrələri təqdim olunub, şagirdlərin ifasında şeirlər səsləndirilib, mahnılar oxunub, rəqs və səhnəciklər nümayiş etdirilib.
Tədbir iştirakçıları üçün xoş və yaddaqalan bayram əhvali-ruhiyyəsi yaradılıb.
